Teenagernan fuerte

Teenagernan fuerte

Sint Eustatius sa tin hopi problema cu mucha muhenan teenager. E muchanan aki tin masha poco confiansa den nan mes, ta ausente na scol y tin bes tambe ta experencia abuso sexual. Door cu na edad hoben caba nan ta sexualmente activo, tin hopi embaraso hubenil bou e muchanan aki. Samenwerkende Fondsen Cariben a sostene un fundacion di mucha muhe den edad di 8 pa 15 aña, cu ta yuda nan haya confiansa den nan mes y yuda nan bira mas fuerte. Den sesionnan di counseling y sosten di mentor, e mucha muhenan ta wordo confronta cu e consecuencianan di nan actitud y nan ta discuti alternativanan. E mayornan tambe ta haya informacion y conseho con nan por sigui guia e muchanan aki na cas.