Kico nos ta haci?

Kico nos ta haci?

E Samenwerkende Fondsen Cariben ta duna sosten financiero pa proyectonan social. Nos ta apoya por ehempel asistencia pa ex-prisoneronan hoben. Pero tambe pa financia actividadnan pa nos grandinan, pa mucha of proyectonan pa eleva calidad di bida den bario. Asina nos kier engrandese e compromiso activo di nos hendenan. Y percura pa tur hende por participa den comunidad.

En particular nos ta facilita sosten financiero na iniciativanan cu ta sali for di comunidad mes. Proyectonan pa combati pobresa, cu ta ofrece miho oportunidad riba un bida digno na tur habitante di e islanan. Tambe pa esnan cu riba nivel social-economico nan situacion ta fragil.  

Conseho local

E Samenwerkende Fondsen Cariben ta wordo asisti riba cada isla pa un Hunta di Conseho of un director local. Pa e aplicantenan, esaki ta e bentana local pa acudi na dje. Aplicantenan por acudi aki pa conseho y guia pa cu nan solicitud. E Hunta di Conseho of e director local ta hunga un rol tambe ora di consulta cu autoridadnan gubernamental.

E cooperacion entre e fondonan ta facilita e forma di duna y ricibi sosten financiero. Tin un punto di contacto central y un procedura di solicitud simplifica. Di e manera aki mas proyecto bon, ta haya un chens tambe.

Un di e fondonan Hulandes ta fungi como coordinador general. E funcion aki ta cambia cada tres aña. Actualmente Kansfonds ta e coordinador general.

Presenta bo plan

Bo ta involucra den un organisacion riba tereno social na Aruba, Boneiro, Corsou, Saba, Sint Eustatius of Sint Maarten? E ora nos ta invita bo pa haci un apelacion riba nos!

Presenta bo plan na nos Hunta di Conseho of na e director riba bo isla. Nan por yuda bo cu e formulario di solicitud. Despues nos ta wak si nos por (financieramente) sostene bo idea.

Ga naar een van de eilandpagina’s ArubaBonaireCuraçaoSint MaartenSabaSint Eustatius.

Aplica