Huntu ta krea famia fuerte ta nos programa pa inisiativanan sosial den parti karibense di nos Reino. Inisiativanan sosial ku ta promové oportunidat igual pa mucha i hóben, mayor/kuidadornan den sirkunshananan vulnerabel i/òf ta ataká problema di pobresa.

Pobresa i insertidumbre riba eksistensha ta retonan grandi na Aruba, Kòrsou, Boneiru, Sint-Maarten, Sint-Eustatius i Saba. Nos fondonan no por solushoná e problemanan aki, pero si nos por duna un kontribushon. Ku nos programa, nos por sostené tres aña largu diessinku inisiativa ku ta traha na bienestar di famianan vulnerabel. Esei fortifikando nan abilidat i kapasidat. 

Fortalesé organsashonnan

Ku e programa aki nos ke duna un aporte duradero pa fortalesé i konservá e organisashonan ku nos ta bai yuda. Esei nos ta hasi a traves di finansiamentu, interkambio di konosementu i un ret di komunikashon. Partisipantenan ta haña tres aña largu hèrmèn pa fortalesé nan abilidat i kapasidat, pa asina e inisiativa por sigui komo un organisashon duradero, despues ku e programa yega na su fin. 

Pa ken?

Fundashonnan, organisashonnan di boluntario i humanitario ku ta sostené (miembronan di) famianan vulnerabel basta tempu kaba, por inskribí. E organisashonnan aki mester por proba ku nan ta traha na bienestar di famianan ku ta biba den pobresa i ta:

• promové oportunidat igual pa mucha- i hóbennan vulnerabel.
• sostené mayor/kriadornan den sirkunstanshanan vulnerabel.
• kombatí problemátika di pobresa di famianan kende ta biba den sirkunstanshannan vulnerabel.

Ta trata di inisiativanan na Aruba, Kòrsou, Boneiru, Sint-Maarten, Sint-Eustatius i Saba. Nan mester kumpli ku e kriterionan dje programa. 

Registrashon

Bo ke registrá bo proyekto? Esei por via Samenwerkende Fondsen Cariben.