Dieskuater organisashon sosial na Karibe lo hanja un oportunidat den tres aña ku ta bini pa amplia nan inpaktu positivo riba famianan den situashonnan vulnerabel. Den kolaborashon ku partnernan lokal, Oranje Fonds i Kinderpostzegels lo sostene partisipantenan di e programa ku finansiamentu, konosementu i un ret di komunikashon.
Durante un mitin inspirante na Aruba den november 2024, e dieskuater partisipanten a haña un oportunidat pa konosé otro i presentá nan proyekto na otro.
E dieskuater inisiativanan sosial ku a keda selektá tin eksperensia amplio ku famianan na Aruba, Kòrsou, Sint Maarten i Saba. Huntu nan ta yega na un espektro amplio di sub-obhetivonan spesífiko: mama soltero (adolescente), yu di mayornan ku ta biba den pobresa, hende ku ta bandoná skol trempan, mama i yu ku ta víktima di violensia doméstiko, hóben den kontakto ku husticia i famianan ku miembronan no ta dokumentá.
Ku sosten den edukashon, kurso di enseñansa-trabou, ayudo ku debe, promoshon di partisipashon, stimulashon di desaroyo di mucha i yuda ku participashon di mayornan, e partisipantenan den e programa ta kontribuí na fortalesementu di famianan den Karibe i asina na e logro di metanan di término largu di e programa 'Huntu ta Fortalese Famia'.
Partisipantenan ku ta promové oportunidat igual pa mucha i hóbennan:
Partisipantenan ku ta sostené mayor/kuidadornan ku ta biba bou di sirkumstanshanan vulnerabel:
Partisipantenan ku ta traha pa ataká problemanan di pobresa den famianan:
Forsa kapasidat Pa amplia inpaktu i sostenebilidat di e partisipantenan i otro inisiativa sosial riba e islanan, nos ta invertí den infrastruktura pa reforsa e kapasidat di inisiatiavanan sosial atraves di algun partner. Nos ta logra esaki dor di sostené partidonan lokal ku ta spesialisá den e área aki.
Kolaborashon Huntu ku Kinderpostzegels, nos ta traha pa promové oportunidat igual pa mucha i hóbennan, pero pa logra esaki, ta importante tambe pa fortifiká e posishon di nan mayornan. Den e prome aña Ministerio di Asuntunan Interno i Relashonnan den Reino ta kontribui financiarmente un biaha na e programa."