Tocante SFC (Papiamento)

Tocante SFC (Papiamento)

Den e parti Caribense den Reino tin diferente fondo hulandes activo. Fondonan cu ta ofrece sosten financiero na iniciativanan local. E fondonan mas grandi riba tereno social a cera cabes hunto. Fundacion Kinderpostzegels Nederland, Oranje Fonds, Kansfonds y Fonds Sluyterman van Loo ta traha hunto riba tur seis isla. Di e forma ey bo por entrega un solicitud so, si bo tin mester di sosten financiero pa bo proyecto di un di e fondonan aki!

E Samenwerkende Fondsen Cariben ta duna sosten financiero pa proyectonan social. Nos ta apoya por ehempel asistencia pa ex-prisonero of adicto. Pero tambe pa actividadnan pa nos grandinan y pa mucha of proyectonan pa eleva calidad di bida den bario. Asina nos kier aumenta e compromiso entre nos hendenan. Y percura pa tur hende por participa den comunidad.