kriterio i instrukshonnan

Kontribushon finansiero

Samenwerkende Fondsen Cariben ta duna kontribushon finansiero na proyektonan den e parti Karibense den Reino. Nos ke sostené i fortalesé proyektonan den e ‘sektor sosial’. Eseinan ta proyektonan ku ta trese hende huntu. Ku ta hasi posibel pa generashon i kulturanan topa otro. Proyektonan ku ta oumentá partisipashon i mehorá kalidat di bida den e bario. Ademas di desaroyo di bario e énfasis riba e islanan ta riba proyektonan pa hóben, grandinan i personanan ku ta vulnerabel manera personanan ku deshabilidat i adiktonan. 

Bo ke pidi sosten finansiero pa un proyekto? Pa esei bo por akudí na e puntonan sentral riba bo isla: e konsehero lokal. Esei ta pone bo skapa esfuerso i tempu!

Lesa promé ku bo entregá un petishon nos kriterio i instrukshonnan. Bo tin mas pregunta òf mester yudansa, tuma kontakto ku bo konsehero lokal. 

E proseso di petishon 

Bo ke pidi sosten finansiero pa un proyekto? Pa esei bo por aserká e punto sentral riba kada isla: e konsehero lokal. Esei ta spar bo hopi esfuerso i tempu! 

Petishon

Pa entregá un petishon bo mester hasi uso di e formulario di petishon. Bo a yena e formulario di petishon, manda esaki pa e konsehero lokal riba bo isla.

Deskribí den e formulario di petishon mas mihó posibel e meta i e resultado deseá di bo proyekto. Ademas mester tene kuenta ku e kriterio i instrukshonnan di Samenwerkende Fondsen Cariben. I por último no lubidá di manda tur e dokumentonan rekerí. Esei ta aselerá e periodo di evaluashon i asina ei bo ta tende mas trempan si bo por konta riba un kontribushon finansiero serka nos.  

Lesa adelantá nos kriterio i instrukshonnan bon. Bo no sa sigur si bo plan ta kumpli ku nos eksigensianan? Tuma kontakto e ora ei promé ku nos konsehero lokal. Esaki ta evitá desepshon. 

Bo no tin un printer? E ora ei bo por pidi un formulario serka bo konsehero lokal. Bo ta risibí esaki via pòst i bo por yena esaki na man òf ku un mashin di teip (typemachine). 

Evaluashon

E konsehero lokal riba bo isla ta evaluá bo petishon a base di e kriterio di Samenwerkende Fondsen Cariben. Nan por pidi bo informashon adishonal òf preguntanan aklaratorio i yuda bo kompletá bo petishon. Despues e konsehero ta duna konseho na Samenwerkende Fondsen Cariben. 

E fondonan Hulandes ta tuma un desishon definitivo riba bo petishon. Di nan bo ta risibí un karta ku e desishon ku ta menshoná si a konsedé bo òf nò a konsedé bo petishon. Samenwerkende Fondsen Cariben huntu ta sòru pa e finansiamentu final. 

Largura di e proseso 

E proseso total for di e momentu ku bo a entregá bo petishon por dura entre 4 i 6 luna. Tene na kuenta ku esaki den planifikashon di bo proyekto.

Kriterio i Instrukshonnan

Samenwerkende Fondsen Cariben ta duna sosten na organisashonnan eksistente i nobo. Fundashon, asosiashon i organisashonnan boluntario i instanshanan profeshonal di bienestar di komunidat. Si ta bai pa 500 florin òf 20.000 florin: ku plaser nos ta risibí bo petishon!

Organisashonnan por entregá un petishon diferente bia. No tin un límite miéntras tantu bo proponé bon proyekto. Por entregá petishon na tur momentu di aña. Esaki bo ta hasi riba bo mes isla serka bo konsehero lokal.  

Bo proyekto ta kumpli ku nos kriterio i instrukshonnan? Pidi e ora ei un kontribushon finansiero. Bai na e formulario di petishon òf tuma kontakto ku e konsehero lokal.  

Instrukshon

Samenwerkende Fondsen Cariben ta duna kontribushon finansiero na proyektonan den e parti Karibense di Reino. Nos ke sostené i fortalesé proyektonan den e ‘sektor sosial’. Eseinan ta proyektonan ku ta trese hende huntu. Ku ta hasi posibel pa generashon i kulturanan topa otro. Proyektonan ku ta oumentá partisipashon i ta subi kalidat di bida den e bario. Ademas di konstrukshon di bario e énfasis riba e islanan ta riba proyektonan pa hóben, grandinan i personanan ku ta vulnerabel manera personanan ku tin deshabilidat i adiktonan.

Pensa riba proyektonan manera: 

  • problemátika di adikshon
  • aktividat pa grandinan
  • kombatimentu di pobresa
  • guia den tarea di skol
  • aktividatnan pa hubentut
  • maltrato doméstiko
  • hisa kalidat di bida den bario
  • ‘dropout’
  • sosten den edukashon di yu
  • eliminashon di soledat


Kriterio

  SI    
Tipo di organisashon        
  * Fundashon x Individual / partikular
  * Asosiashon    
  * Organisashonnan boluntario    
  * Organisashonnan profeshonal di bienestar    
Tipo di proyekto        
  * Ta dirigí riba konstrukshon di un bario òf embolbimentu sosial x Ta dirigí puramente riba kultura, deporte òf medio ambiente
  * No a kuminsá ainda    
  * Dirigí riba nesesidat sosial / Ta yena un buraku sosial    
  * Ta un proyekto i no un programa ku ta kontinuá indefinidamente (fiansa semper lo stòp un dia)    
Tipo di gastu        
  * Kontribushon pa inisiativanan nobo x Beka (pa estudio)
  * Gastunan pa ehekushon di aktividat x Gastunan di eksplotashon regular (hür, gas, awa i elektrisidat)
  * Gastunan di personal mará na proyekto