Den un sentro di bario na Kòrsou tin un programa di aktividat despues di skol ta tumando lugá. Esaki ta pa muchanan entre 6 i 16 aña di kua nan mayornan tin un entrada mínimo òf ménos. E programa ta konsistí di un meskla di guia den tarea di skol, habilidatnan sosial, formashon i rekreashon. Hopi di e muchanan aki tin problemanan sosial emoshonal. P’esei mes e programa konosé un trahadó sosial i un sikólogo. Despues di asina tantu éksito tin algun kos ku mester remplaso. P’esei e fundashon a entregá un petishon pa kompra di kòmpiuter, printer i stul di klap. Tambe tabatin mester un kompensashon pa trabou boluntario di dos dosente. Danki na e kontribushon di Samenwerkende Fondsen Cariben e fundashon por sigui funshoná algun aña mas.
