Tur hende ku nan mes kamber

Tur hende ku nan mes kamber

Den un fasilidat di bibienda na Aruba ta biba klientenan ku limitashon mental. Nan ta haña einan kuido i guia ku no por ofresé na kas. Dor di skarsedat di espasio e klientenan mester a kompartí kamber i baño ku otro. Dor di esei e habitantenan tabatin tiki privasidat i tabata den kara di otro. Esei a kondusí vários bia na iritashon, frustrashon i den kaso ekstremo agreshon. Ademas tabata hopi laf pa risibí bishita ku asina tiki privasidat. Ku kontribushon di Samenwerkende Fondsen Cariben e fundashon a konstruí seis kamber i 3 baño adishonal. Awor tur hende tin nan propio espasio.