Kiko nos ta hasi?

Kiko nos ta hasi?

Samenwerkende Fondsen Cariben ta duna kontribushon finansiero na proyektonan sosial. Nos ta duna sosten na por ehèmpel alohamentu pa èks detenidonan hóben. Pero tambe aktividatnan pa grandinan i mucha òf proyektonan pa drecha kalidat di bida den bario. Asina nos ke amplia embolbimentu entre hende. I sòru ku tur hende por partisipá den komunidat. 

Prinsipalmente nos ta duna kontribushon finansiero na inisiativanan ku ta sali for di komunidat mes. Proyektonan pa kombatí pobresa. I ku ta duna oportunidat na un mihó kalidat di bida pa tur habitante di e islanan. Tambe pa esnan ménos sosial i ekonómiko privilegiá. 

Konseho lokal

Riba tur e islanan Samenwerkende Fondsen Cariben ta haña asistensia di un Adviescollege lokal òf un konsehero lokal. Pa esnan ku ke hasi un petishon nan ta forma e lokèt lokal. Esnan interesá por aserká nan pa konseho i guia den nan petishon. E Adviescollege lokal òf konsehero lokal tin tambe un ròl den konsulta ku e gobièrnunan lokal. 

E kolaborashon entre e fondonan ta hasi dunamentu di kontribushon finansiero i risibí esaki mas fásil. Tin un punto di kontakto i un prosedura di petishon simplifiká. Di e forma ei mas proyekto bon ta haña un chèns. 

Un di e fondonan Hulandes ta fungi komo kordinadó general. E ròl aki ta kambia kada tres aña. Aktualmente Kansfonds ta e kordinadó general. 

Presentá bo plan

Bo ta forma parti di un organisashon riba tereno sosial na Aruba, Boneiru, Kòrsou, Saba, Statia òf Sint Maarten? Ku plaser nos ta invitá bo e ora ei pa hasi un apelashon na nos!

Presentá bo plan na nos Adviescollege òf konsehero riba bo isla. Nan por yuda bo na kaminda ku e formulario di petishon. Nos lo wak despues si nos por kontribuí (finansieramente) na bo idea. 

Bai na e página di e islanan ArubaBonaireCuraçaoSint MaartenSabaSint Eustatius.

Petishon