FAQ

Frequently Asked Questions

Stichting Kinderpostzegels Nederland, Oranje Fonds, Kansfonds, Fonds Sluyterman van Loo y Stichting Roomsch Catholijk Oude Armen Kantoor hunto ta forma e Samenwerkende Fondsen Cariben. Nan area di trabou ta Reino Hulandes. Na Hulanda e fondonan ta opera separa di otro. Den e parti Caribense den Reino nan a uni forsa y nan ta forma un punto central di contacto como apoyo. 

E Samenwerkende Fondsen Cariben ta duna sosten financiero pa proyectonan social den e parti Caribense den Reino. Nos ta sostene por ehempel hobennan cu tabata delincuente. Pero tambe actividadnan pa grandinan, mucha, of proyectonan pa eleva calidad di bida den bario. Di e forma aki nos kier engrandece e laso y compromiso entre e habitantenan. Percura pa tur hende por participa den comunidad.

Nos criteria y reglanan bo ta haya aki. Lesa esakinan meticulosamente prome bo yena e formulario di solicitud. Si ainda bo tin pregunta, tuma contacto cu e director local riba bo isla.

Pa aplica pa un solicitud, bo tin cu haci uzo di e formulario di solicitud. Despues cu bo a yena e formulario di solicitud, mand’e pa e director local riba bo isla. Lesa adelanta nos criterio y reglanan bon. Bo no sa sigur si bo plan ta cumpli cu nos exigencianan? Tuma contacto prome cu nos directornan local. Esaki ta preveni desapunto. Pa tur informacion tocante solicitud, mira bou e titular Solicitud.

E proceso total for di momento di entrega bo solicitud, por dura 4 pa 6 luna. Tene cuenta cu esaki den planning di bo proyecto.