FAQ

Frequently Asked Questions

Stichting Kinderpostzegels Nederland, het Oranje Fonds, Kansfonds, Fonds Sluyterman van Loo i stichting Roomsch Catholijk Oude Armen Kantoor ta forma huntu Samenwerkende Fondsen Cariben. Nan área di trabou ta Reino Hulandes. Na Hulanda e fondonan ta operá lòs for di otro. Den e parti Karibense di Reino nan a uni forsa i ta forma un punto sentral di kontakto pa duna sosten.  

Samenwerkende Fondsen Cariben ta duna kontribushon finansiero na proyektonan sosial den e parti Karibense di Reino. Nos ta sostené por ehèmpel alohamentu pa èks detenidonan hóben. Pero tambe aktividatnan pa grandinan, mucha òf proyekto pa subi kalidat di bida den bario. Asina nos ke amplia embolbimentu entre hende. I sòru ku tur hende por partisipá den komunidat. 

Nos kriterio i instrukshonnan bo ta haña aki. Lesa esaki ku presishon promé bo yena e formulario di petishon. Si bo tin mas pregunta despues di esaki, tuma kontakto ku e konsehero lokal riba bo isla. 

Pa entregá un petishon bo mester hasi uso di nos formulario di petishon. Bo a yena e formulario di petishon, manda esaki pa e konsehero lokal riba bo isla. Lesa adelantá nos kriterio i instrukshonnan bon. Bo no sa sigur si bo plan ta kumpli ku nos eksigensianan? Tuma kontakto e ora ei promé ku nos konsehero lokal. Esaki ta evitá desepshon. Pa tur informashon tokante petishon wak bou di e título Petishon. 

E proseso total for di e momentu ku bo a entregá bo petishon por dura entre 4 i 6 luna. Tene na kuenta ku esaki den planifikashon di bo proyekto.