criterio y reglanan

Sosten financiero

Samenwerkende Fondsen Cariben ta ofrece sosten financiero na proyectonan den e parti Caribense den Reino. Nos kier sostene y reforsa proyectonan den e ‘sector social’. Proyectonan cu ta trece hende hunto y cu ta crea un laso entre generacion y cultura. Proyectonan cu ta aumenta e compromiso y calidad di bida den bario. Banda di e desaroyo den bario, ta pone tambe enfasis riba e islanan pa bin cu proyectonan pa hoben, pa hende grandi y pa esnan vulnerabel manera hende cu un handicap of adiccion.

Bo kier aplica pa ayudo financiero pa un proyecto? Pa esaki ta acudi riba cada isla na un punto central: e director local. Esaki ta scapa bo hopi molester y tempo!

Prome bo entrega e solicitud, lesa nos criterio y reglanan bon. Bo tin pregunta of mester di ayudo ainda, tuma contacto cu bo director local.

E proceso di solicitud

Bo ta desea di presenta un solicitud pa financia un proyecto? Pa cu esey bo por acudi riba cada isla na un punto central: e director local. Esaki ta scapa bo hopi molester y tempo!

Solicitud

Pa presenta un solicitud, bo tin cu haci uzo di nos formulario di solicitud. Ora bo caba di yena e formulario, bo ta mand’e pa e director local.

Describi den e formulario di solicitud di miho forma posibel, e meta y ki resultado bo ta spera di bo proyecto. Tene cuenta den esaki cu e criteria y regla di e Samenwerkende Fondsen Cariben. Finalmente, no lubida pa encera tur suplemento pidi. Esey ta acelera e tempo di evaluacion y asina bo ta tende mas lihe si bo por conta cu financiamento di nos of no.

Prome bo cuminsa, lesa tur criterio y regla hopi bon. Bo no tin sigur si bo plan ta cumpli cu nos exigencianan? Tuma contacto prome cu nos directornan local. Esaki ta preveni desilucion.

Bo no tin printer, e ora bo por manda pidi e formulario cerca bo director local tambe. Bo ta hay’e na cas den post y bo por yen’e na man of cu mashin di type.

E evaluacion

E director local riba bo mes isla ta evalua bo solicitud, basa riba e criterionan di e Samenwerkende Fondsen Cariben. Nan por pidi bo informacion adicional of pa aclarea algun pregunta y yuda bo completa bo solicitud. Finalmente e director ta duna conseho na Samenwerkende Fondsen Cariben.

E fondonan Hulandes ta tuma un decision definitivo riba bo solicitud. Di nan bo ta ricibi un carta di decision den cual tin un aprobacion of rechaso. Samenwerkende Fondsen Cariben ta percura conhuntamente pa e financiamento final.

Duracion di e proceso

E proceso total for di momento cu bo somete bo solicitud, por dura 4 pa 6 luna. Tene cuenta cu esaki den planning di bo proyecto.

Criterio & Regla

Samenwerkende Fondsen Cariben ta sostene organisacionnan existente y nobo. Fundacionnan, asociacionnan, organisacionnan boluntario y institutonan di bienestar profesional. Si ta bay pa 500 florin of pa 20.000 florin: cu placer nos ta ricibi bo solicitud!

Organisacionnan por entrega mas cu un solicitud. No tin limite tanten cu bo bin cu bon proyecto. Solicitud por wordo entrega na cualke momento di aña. Esaki bo ta haci riba bo propio isla, cerca bo director local.

Bo proyecto ta cumpli cu nos criterio y reglanan? Aplica pa un contribucion financiero. Habri e formulariodisolicitud of tuma contacto cu bo director local.

Regla

Samenwerkende Fondsen Cariben ta ofrece sosten financiero na proyectonan den e Parti Caribense den Reino. Nos kier sostene y reforsa proyectonan den ‘sector social’. Proyectonan cu ta trece hende hunto y cu ta crea un laso entre generacion y cultura. Proyectonan cu ta aumenta e compromiso y calidad di bida den bario. Banda di e desaroyo den bario, ta pone enfasis tambe riba e islanan pa cu proyectonan pa hoben, pa hende grandi y pa esnan vulnerabel manera hende cu handicap of adiccion.

Pensa por ehempel riba proyectonan manera:

  • problematica di adiccion
  • actividadnan pa hende grandi
  • combati pobresa
  • guia cu huiswerk
  • actividadnan pa hoben
  • violencia domestico
  • calidad di bida den bario
  • drop-outs
  • sosten pa mayornan
  • combati soledad


Criterio

  SI   NO  
Tipo di organisacion        
  * Fundacion x Individuo / priva
  * Asociacion    
  * Organisacion boluntario    
  * Instituto pa bienestar profesional    
Tipo di Proyecto        
  * Dirigi riba desaroyo di bario of compromiso social x Ta dirigi puro riba cultura, deporte of medioambiente
  * Ta permiti si no a start ainda    
  * Dirigi riba un necesidad social / ta yena un desigualdad social    
  * E ta un proyecto, no un programa continuo (financiamento semper ta para un dia)    
Tipo di gasto        
  * Contribucion inicial pa iniciativanan nobo x Beca pa studia
  * Gastonan pa realisa actividad x Gastonan di produccion (huur, gas, awa, luz)
  * Gastonan di personal mara na proyecto