CEDE Aruba

CEDE Aruba

CEDE Aruba ta sera akuerdo ku gobièrnu di Aruba i Samenwerkende Fondsen Cariben

Riba djarason 4 di yüli CEDE Aruba, Samenwerkende Fondsen Cariben pa e parti Karibense di Reino i gobièrnu di Aruba a sera un akuerdo. Ku esaki a ofisialisá un kolaborashon ku ta hasi sosten posibel pa inisiativanan nobo, ehekutá pa fundashonnan (privá) i fundashonnan no gubernamental (ngo’s), dirigí riba fortalesé bienestar di habitantenan riba tereno sosial.

CEDE Aruba i Samenwerkende Fondsen Cariben ta kontribuí pa aña alrededor di 2,8 mion florin na proyektonan pa komunidat riba e isla. Ta bai aki por ehèmpel na inisiativanan pa gruponan di enfoke vulnerabel manera grandinan, mamanan teenager, hóbennan, personanan den pobresa òf personanan ku un adikshon. E akuerdo ta regla kontribushon finansiero di gobièrnu i Samenwerkende Fondsen Cariben pa inisiativanan sosial via CEDE Aruba manera Bon Gobernashon, bon atministrashon finansiero i un posishon independiente relashoná ku polítika, religion i komersio. 

E akuerdo ta bálido pa un periodo di sinku aña. Firmamentu di e akuerdo tabata na enkargo di e miembronan di direktiva di CEDE Aruba, gobièrnu di Aruba representá pa señor Glenbert Croes, Minister di Asuntonan Sosial i Labor, señora mr. Evelyne Wever-Croes, minister interino di Finansa, Ekonomia i Kultura i Samenwerkende Fondsen Cariben representá pa señora Drs. Henriette Hulsebosch i señor Drs. Peter Douwes.